JAMII YASHAURIWA KUWAPELEKA WATOTO KWENYE CHANJO

MPOKatibu Mkuu wa Wizara ya Afya na Ustawi wa Jamii, Dkt. Mpoki  Ulisubisye akifafanua jambo kwa waandishi wa habari.
………………………………………………………………………………………………………
Na Magreth Kinabo- Maelezo
 Jamii imeshauriwa  kuwapeleka watoto wote wanaostahili kupata chanjo    walio chini ya umri wa miaka mitano katika vituo vya afya ili waweze kupatiwa chanjo  ili kuweza kutokomeza maradhi na kupunguza vifo vya watoto.
Kauli hiyo ilitolewa Aprili 27, mwaka huu na Katibu Mkuu wa Wizara ya Afya na Ustawi wa Jamii, Dkt. Mpoki  Ulisubisye wakati wa maadhimisho ya wiki ya chanjo nchini yaliyofanyika  kwenye hoteli ya Serena Jijini Dares Salaam.
Alisema  utoaji wa chanjo hiyo umeaanza Aprili 25 hadi 29 mwaka huu na  kaulimbiu ya mwaka huu ni ‘ Kumilisha Chanjo,Epuka Ugonjwa wa Polio’. Hivyo  vItuo  vya kutolewa kutolea huduma za afya vinafunguliwa kuanzia saa 2: 00  asubuhi hadi saa 11.00 jioni.
“ Kila mmoja wetu anawajibu wa kuhakikisha  mtoto wake , mtoto wajirani au mlengwa mwingine yeyote anapewa haki ya chanjo ili kumzuia asipatwe na maradhi ambayo yanakingwa na chanjo au asiwe na hatari kwa wengine kwa kuwaletea ugonjwa,” alisema Dkt. Ulisubisye.
Aliongeza kuwa  chanjo  ni mikakati muafaka katika kutokomeza maradhi na kupunguza vifo vya watoto, hivyo hupunguza gharama kubwa ambazo familia  zetu na taifa kwa ujumla lingetumia katika kutibu maradhi yanatokana na magonjwa yanayozuilika kwa chanjo.
Alisema chanjo huzuia takribani vifo milioni mbili hadi tatu kwa kila  mwaka kutokana na maradhi yanayokingwa kwa chanjo duniani.
Aliyataja maradhi hayo kuwa ni Dondakoo, Surua ,Polio,Kifua Kikuu,Kifaduro,PepoPunda,Homa ya ini,homaya uti wa mgongo,kichomi na kuhara

About

Hello, I am a regular author. To edit this text edit your profile in Users area of admin.